រាជធានីភ្នំពេញ ៖ សាលាដំបូងរាជធានីភ្នំពេញ កាលពីថ្ងៃទី១៨ ខែធ្នូ ឆ្នាំ២០២៥ កន្លងទៅ បានលើកយកសំណុំរឿងឃាតកម្ម«រំលោភសេពសន្ថវៈបូក រួចសម្លាប់ជនរងគ្រោះ» មកបើកសវនាការជំនុំជម្រះលើអង្គសេចក្តីទាំងមូល ដើម្បីផ្តន្ទាទោសលើជនជាប់ចោទ ។ សវនាការបានធ្វើការសាកសួរដេញដោលជនត្រូវចោទទាំង៣នាក់រហូតដល់ទីបញ្ចប់ ទើបចៅក្រមក្រុមប្រឹក្សាជំនុំជម្រះ លើកពេលប្រកាសសាលក្រមទៅថ្ងៃទី២៥ ខែធ្នូ ឆ្នាំ២០២៥ ខាងមុខនេះ ដែលជនជាប់ចោទអាចជាប់ពន្ធនាគារអស់មួយជីវិត ។
គេនៅចាំបានថា កាលពីថ្ងៃទី២៥ ខែឧសភា ឆ្នាំ២០២៥ លោក ឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា សំណុំរឿងឃាតករ វ័យក្មេង៣នាក់ ពាក់ព័ន្ធករណីរំលោភសម្លាប់ក្មេងស្រីម្នាក់នៅក្នុងបន្ទប់ទឹក ត្រូវបានតំណាងអយ្យការបើកការស៊ើបសួរលើជនសង្ស័យពីបទឃាតកម្ម ដោយអំពើរំលោភសេពសន្ថវៈ តាមមាត្រា២០៥ នៃក្រមព្រហ្មទណ្ឌ ។
យោងការចោទប្រកាន់តាមមាត្រា២០៥
«បទឃាតកម្មដោយមានទារុណកម្ម អំពើឃោរឃៅ ឬអំពើរំលោភសេពសន្ថវៈ
ឃាតកម្មដែលកើតក្នុងពេល ឬក្រោយពេលប្រព្រឹត្តអំពើទារុណកម្ម
អំពើឃោរឃៅ ឬរំលោភសេពសន្ថវៈ
ត្រូវផ្តន្ទាទោសដាក់ពន្ធនាគារអស់មួយជីវិត» ។
ក្រោយពីបញ្ចប់ការស៊ើបសួរ
សំណុំរឿងជនសង្ស័យទាំង៣នាក់ត្រូវបានបញ្ជូនទៅខាងចៅក្រមស៊ើបសួរ
ដើម្បីឃុំខ្លួនដាក់ពន្ធនាគារជាបណ្តោះអាសន្ន
ដោយរង់ចាំបើកសវនាការកាត់ទោសទៅតាមផ្លូវច្បាប់ ។
ឃាតករវ័យក្មេង៣នាក់នេះ មានទីលំនៅផ្ទះគ្មានលេខ ភូមិឌួង សង្កាត់ព្រែកព្នៅ ខណ្ឌព្រែកព្នៅ ៖
១-ឈ្មោះ
ទៀន ផារ៉ែត ភេទប្រុស អាយុ១៥ឆ្នាំ ជាអ្នករួមគំនិត ។ ២-ឈ្មោះ បូ
ឧត្តម ភេទប្រុស អាយុ១៦ឆ្នាំ ជាអ្នករួមគំនិត ។ ៣-ឈ្មោះ សុខ
ច័ន្ទសុវណ្ណសេង ភេទប្រុស អាយុ១៨ឆ្នាំ ។
សូមជម្រាបថា ករណីឃាតករ៣នាក់ដែលបានចាប់រំលោភសេពសន្ថវៈ ហើយរឹតកសម្លាប់ក្មេងស្រីនៅក្នុងបន្ទប់ទឹកសាលាបឋមសិក្សាវត្តក្រួស ប្លន់យកខ្សែកនិងទូរស័ព្ទ ត្រូវបាននគរបាលខណ្ឌព្រែកព្នៅ ឃាត់ខ្លួននិងធ្វើសន្និសីទកាសែតបង្ហាញមុខជាសាធារណៈ កាលពីរសៀលថ្ងៃទី២២ ខែឧសភា ឆ្នាំ២០២៥ ។
លោកវរសេនីយ៍ឯក សុខ ហេង អធិការនគរបាលខណ្ឌព្រែកព្នៅ បានឱ្យដឹងថា ដោយបាន
ការអនុញ្ញាតពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជ
ធានីភ្នំពេញ
អធិការដ្ឋាននគរបាលខណ្ឌព្រែកព្នៅ
បានធ្វើការបង្ហាញមុខឃាតករចំនួន៣នាក់ នៅក្នុងករណីឃាកម្ម
ដោយមានទារុណកម្មឃោរឃៅ
ឬអំពើរំលោភសេពសន្ថវៈ(យកថ្នាំងងុយដេកដាក់ក្នុងភេសជ្ជៈឲ្យជនរងគ្រោះផឹក
ហើយរំលោភសម្លាប់ប្លន់យកទ្រព្យសម្បត្តិជនរងគ្រោះ) ។ ហេតុការណ៍នេះ
កើតឡើងកាលពីវេលាម៉ោង១និង២៧នាទីរំលងអធ្រាត្រឈានចូលថ្ងៃទី២១
ខែឧសភា ឆ្នាំ២០២៥ នៅក្នុងបន្ទប់ទឹកសាលាបឋមសិក្សាវត្តក្រួស
ស្ថិតក្នុងវត្ដជេសដ្ឋាឧត្តម ហៅវត្តក្រួស ផ្លូវជាតិលេខ៥ ភូមិក្រួស
សង្កាត់សំរោង ខណ្ឌព្រែកព្នៅ រាជធានីភ្នំពេញ ។
នៅទីបំផុត
មិនដល់រយៈពេល១២ម៉ោងផង ឃាតករចាប់រំលោភសេពសន្ថវៈ
និងរឹតកសម្លាប់ក្មេងស្រីប្លន់យកទ្រព្យសម្បត្តិនៅក្នុងបន្ទប់ទឹកសាលាបឋមសិក្សាវត្តក្រួស
ត្រូវបានកម្លាំងនគរ
បាលព្រហ្មទណ្ឌខណ្ឌព្រែកព្នៅ សហការជាមួយកម្លាំងផែនការងារនគរបាលព្រហ្មទណ្ឌ នៃស្នង
ការដ្ឋានរាជធានីភ្នំពេញ
វែកមុខនិងឃាត់ខ្លួនបានជាបន្តបន្ទាប់ចំនួន៣នាក់ ។
អ្វីដែលនឹកស្មានមិនដល់នោះគឺ
ឃាតករដ៏ឃោរឃៅនេះភាគច្រើនជាក្មេងជំទង់
មានអាយុពី១៥ឆ្នាំទៅ១៨ឆ្នាំ ។
ឃាតករ៣នាក់ដែលត្រូវបានចាប់ខ្លួន ជាយុវជនធ្លាប់ស្គាល់ក្មេងស្រីតាំងពីក្មេងៗ បានក្លាយទៅជាជនដៃដល់រំលោភ និងសម្លាប់ជនរងគ្រោះ ។ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងអធិការដ្ឋាននគរបាលខណ្ឌព្រែកព្នៅ សហការជាមួយកម្លាំងផែនការងារនគរបាលព្រហ្មទណ្ឌនៃស្នងការដ្ឋានរាជធានីភ្នំពេញ និងមានការចូលរួមពីអង្គភាពការពារកុមារ ហៅកាត់ថា CPU បានបំបែកសំណុំរឿងករណីឃាតកម្ម ដោយមានការធ្វើទារុណកម្មយ៉ាងឃោរឃៅ ឬអំពើរំលោភសេពសន្ថវៈបូក បន្ទាប់ពីពួកគេបានយកថ្នាំងងុយដេកលួចដាក់ក្នុងភេសជ្ជៈឲ្យជនរងគ្រោះផឹក ហើយរំលោភបូកបានសម្រេចគ្រប់គ្នា រួចសម្លាប់ប្លន់យកទ្រព្យសម្បត្តិ ពិសេសខ្សែកដែលនាងពាក់ ។
ជាមួយនឹងការឃាត់ខ្លួននេះ សមត្ថកិច្ចបានដកហូតទូរស័ព្ទដៃម៉ាក TECNO SPARK មួយគ្រឿង ជារបស់ជនរងគ្រោះ ទូរស័ព្ទដៃម៉ាក អុបប៉ូ១គ្រឿង ខ្សែនីឡុងពណ៌ស១ខ្សែ និងម៉ូតូស៊ុយហ្សុ៊យគីណិច ពណ៌ខៀវ ស៊េរីឆ្នាំ២០២៥ ពាក់ផ្លាកលេខ ភ្នំពេញ ១CL-១១៩០ ។ សូមបញ្ជាក់ថា ក្មេងស្រីរងគ្រោះឈ្មោះ វុទ្ធី លីណា អាយុ១៥ឆ្នាំ មានទីលំនៅផ្ទះគ្មានលេខ ភូមិក្រួស សង្កាត់សំរោង ខណ្ឌព្រែកព្នៅ ត្រូវបានឃាតករចាប់រំលោភ និងរឹតកសម្លាប់នឹងខ្សែនីឡុងនៅក្នុងបន្ទប់ទឹក និងបង្កឲ្យមានការភ្ញាក់ផ្អើលនៅវេលាម៉ោង៦និង៤០នាទីព្រឹកថ្ងៃទី២១ ខែឧសភា ឆ្នាំ២០២៥ ខណៈអ្នកគ្រូម្នាក់ចូលបន្ទប់ទឹក ហើយប្រទះឃើញសពក្មេងស្រីដែលអាក្រាតកាយល្វែងក្រោម ។
តាមក្រុមគ្រួសារក្មេងស្រីបានឱ្យដឹងថា
នាង វុទ្ធី លីណា
បានឈប់រៀន១ឆ្នាំមកហើយដោយសារតែជីវភាពគ្រួសារក្រីក្រ ។
បន្ទាប់ពីឈប់រៀន នាងបានទៅធ្វើការជាអ្នកមើលកូនឱ្យគេ ។
ដោយសារឮដំណឹងថា
ឪពុកមិនស្រួលខ្លួន នាងក៏មកផ្ទះបាន៥ថ្ងៃ
ឪពុកបានទិញខ្សែកប្លាទីន១ខ្សែតម្លៃជាង១០០ដុល្លារឱ្យនាងពាក់ ។
តាមក្រុមគ្រួសារបានឲ្យដឹងទៀតថា
នៅវេលាម៉ោងប្រមាណ១២យប់ថ្ងៃទី២០ ខែឧសភា ឆ្នាំ២០២៥
នាងបានចេញពីផ្ទះ តែពុំមានអ្នកណាម្នាក់ចាប់អារម្មណ៍ឡើយ
ព្រោះកន្លងមកនាងតែងតែទៅដេកនៅផ្ទះមិត្តភក្តិ ។
លុះព្រឹកឡើងទើបមានការភ្ញាក់ផ្អើល នៅពេលអ្នកគ្រូម្នាក់ចូលទៅក្នុងបន្ទប់ទឹក ហើយប្រ
ទះឃើញសពនាងនៅទីនោះ
។ បន្ទាប់ពីមានការភ្ញាក់ផ្អើល ខ្សែកប្លាទីន
និងទូរស័ព្ទ១គ្រឿងក៏បាត់ដែរ ។ តាមព័ត៌មានបានឱ្យដឹងថា
នៅវេលាម៉ោងជាង១២អធ្រាត្រ
មានមិត្តភក្តិនាងទូរស័ព្ទហៅតាមគ្រុបហ្វេសប៊ុក ហើយឃើញនាងលើក
និងនិយាយតបទៅវិញថា ខ្លួននៅផឹកសុីជាមួយមិត្តភក្តិប្រុស២នាក់ ។
មិននឹកស្មានថា មិត្តភក្តិជាឃាតករលួចដាក់ថ្នាំងងុយដេកក្នុងភេសជ្ជៈឱ្យនាងផឹក ហើយចាប់នាងរំលោភរួចរឹតកសម្លាប់បែបនេះឡើយ ។ ពិតជាឈាមស្រែកស្បែកហៅមែន ឃាតករត្រូវឃាត់ខ្លួនបានជាបន្តបន្ទាប់ នៅវេលារសៀលថ្ងៃដដែលនោះ ៕