ខេត្តសៀមរាប ៖ យោងផេករដ្ឋបាលខេត្តសៀមរាបបានឱ្យដឹងថា បងប្អូនដែលកំពុងភៀសសឹកមកស្នាក់នៅវត្តមុន្នីចេស្តា ហៅវត្តពោធិ៍ពីរដើម បានរៀបចំរៀបចំដាំបន្លែសម្រាប់តម្រូវការចាំបាច់ជាប្រចាំថ្ងៃ ។
ដោយអនុវត្តតាមអនុសាសន៍របស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប និងនាព្រឹកថ្ងៃទី១៩ ខែធ្នូ ឆ្នាំ២០២៥នេះ ដោយពិនិត្យឃើញសណ្ឋានភាពដីនៅសល់លើការដាំដុះបច្ចុប្បន្ននៅបរិវេណវត្តមុន្នីចេស្តា ហៅវត្តពោធិ៍ពីរដើម បងប្អូនដែលកំពុងភៀសសឹកមកស្នាក់នៅវត្តបានរៀបចំដីបន្ថែម ដើម្បីរៀបចំដាំបន្លែ : ត្រកួន ស្ពៃ ត្រាប់ ល្ពៅ ត្រឡាច ត្រសក់ ល្ហុង សម្រាប់ទទួលផលបន្ថែមតាមតម្រូវការចាំបាច់ជាប្រចាំថ្ងៃ ស្របតាមការផ្តួចផ្តើម និងបំផុសចលនារបស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដោយដាំបន្លែតាមផ្ទះ សាលារៀន វត្តអារ៉ាម និងសហគមន៍ ៕
